Lyrics
- Ilahi, Teri Chaukhat Par
- Zahir ki aankh se na tamasha kare koi,
- Ho dekhna to deeda-e-dil wa kare koi.
- Parh baithe kya samajh kar bhala Toor par Kaleem,
- Taaqat ho deed ki to taqaza kare koi.
- Ilahi, teri chaukhat par bhikari ban ke aaya hoon,
- Sarapa faqr hoon, ijz-o-nadamat saath laya hoon.
- Bhikari woh ke jis ke paas jholi hai na payala hai,
- Bhikari woh jise hirs-o-hawas ne maar dala hai.
- Mataa-e-deen-o-danish nafs ke haathon se lutwa kar,
- Sukoon-e-qalb ki daulat hawas ki bhent chadha kar.
- Luta kar saari poonji ghaflat-o-isyaan ki daldal mein,
- Sahara lene aaya hoon tere Kaabe ke aanchal mein.
- Gunaahon ki lapet se kainaat-e-qalb afsurda,
- Iraade muzmahil, himmat shikasta, hausle murda.
- Kahan se laaun taaqat dil ki sachchi tarjumaanee ki,
- Ke kis jhanjhaal mein guzri hain ghadiyan zindagani ki.
- Khulasa yeh ke bas jal-bhun ke apni ruswaai se,
- Sarapa faqr ban kar apni haalat ki tabaahi se.
- Tere darbaar mein laaya hoon apni ab zaboon-haali,
- Teri chaukhat ke laayak har amal se haath hain khaali.
- Yeh tera ghar hai, tere mehr ka darbaar hai, Maula,
- Sarapa noor hai, ik mohabbat-e-anwaar hai, Maula.
- Teri chaukhat ke jo aadaab hain, main unse khaali hoon,
- Nahi jis ko saleeqa maangne ka, woh sawaali hoon.
- Zubaan ghalat-e-nadamat, dil ki naaqis tarjumaanee par,
- Khudaya, reham farma meri is zubaan-e-be-zubaani par.
These lyrics aren’t timed to the recitation yet.
Comments
Sign in to read the conversation and share your thoughts.
Sign in